Ish-lojtari i Atletico Madridit, tani i Boca Juniors, Eduardo Salvio thuhet se është ‘në arrati’ nga policia në Argjentinë pasi dyshohet se ka përplasur apo tërheq zvarrë ish-bashkëshorten e tij me makinë.

Salvio, i cili luajti në Evropë si me Benficën ashtu edhe me Atletico Madridin, është rikthyer duke luajtur në vendin e tij, pasi u transferua në Boca Juniors në vitin 2019, nëntë vjet pasi u largua nga Amerika e Jugut.

Të enjten në mëngjes, ish-bashkëshortja Magali Aravena, nga e cila ai u nda së fundmi pas 10 vitesh së bashku, raportoi mesfushorin për ‘tërheqjen zvarrë’.

Sipas gazetës argjentinase Ole, Aravena tha se 31-vjeçari drejtoi makinën e tij drejt saj në orët e hershme të mëngjesit të së enjtes në periferi të Puerto Madero të Buenos Aires.

The police are looking for Boca winger Eduardo Salvio after this incident with his wife last night. Reports that Salvio drove away hitting his wife with the vehicle pic.twitter.com/YF8l3cWNho

— GOLAZO (@golazoargentino) April 14, 2022

“Gruaja shkoi për të folur me burrin e saj, i cili ishte në makinën e tij me një grua tjetër. I dyshuari u largua me makinë përpara dhe e goditi zonjën Aravena”, ka thënë një zëdhënës i policisë.

Aravena shkoi në spital pas incidentit, por shefi i ambulancës së Buenos Aires, Alberto Crescenti zbuloi se lëndimet ishin të lehta.

“Ne u thirrëm nga policia e qytetit dhe gjetëm një grua me goditje në këmbën e saj të djathtë. Megjithatë, lëndimi ishte i lehtë dhe ajo nuk u dërgua në spital”, ka thënë Crescenti.